श्री गंगा स्तोत्रम्
śrī gaṁgā stotram
देवि सुरेश्वरि भगवति गंगे त्रिभुवनतारिणि तरल तरंगे।
शंकर मौलिविहारिणि विमले मम मति रास्तां तव पद कमले॥ १॥
devi sureśvari bhagavati gaṁge tribhuvanatāriṇi tarala taraṁge |
śaṁkara maulivihāriṇi vimale mama mati rāstāṁ tava pada kamale || 1||
भागिरथि सुखदायिनि मातः तव जलमहिमा निगमे ख्यातः।
नाहं जाने तव महिमानं पाहि कृपामयि मामज्नानम्॥ २॥
bhāgirathi sukhadāyini mātaḥ tava jalamahimā nigame khyātaḥ |
nāhaṁ jāne tava mahimānaṁ pāhi kṛpāmayi māmajnānam || 2||
हरि पद पाद्य तरंगिणि गंगे हिमविधुमुक्ताधवलतरंगे।
दूरीकुरु मम दुष्कृति भारं कुरु कृपया भव सागर पारम्॥ ३॥
hari pada pādya taraṁgiṇi gaṁge himavidhumuktādhavalataraṁge |
dūrīkuru mama duṣkṛti bhāraṁ kuru kṛpayā bhava sāgara pāram || 3||
तव जलममलं येन निपीतं परमपदं खलु तेन गृहीतम्।
मातर्गंगे त्वयि यो भक्तः किल तं द्रष्टुं न यमः शक्तः॥ ४॥
tava jalamamalaṁ yena nipītaṁ paramapadaṁ khalu tena gṛhītam |
mātargaṁge tvayi yo bhaktaḥ kila taṁ draṣṭuṁ na yamaḥ śaktaḥ || 4||
पतितोद्धारिणि जाह्नवि गंगे खण्डित गिरिवरमण्डित भंगे।
भीष्म जननि हे मुनिवरकन्ये पतितनिवारिणि त्रिभुवन धन्ये॥ ५॥
patitoddhāriṇi jāhnavi gaṁge khaṇḍita girivaramaṇḍita bhaṁge |
bhīṣma janani he munivarakanye patitanivāriṇi tribhuvana dhanye || 5||
कल्पलतामिव फलदाम् लोके प्रणमति यस्त्वां न पतति शोके।
पारावारविहारिणि गंगे विमुखयुवति कृततरलापांगे॥ ६॥
kalpalatāmiva phaladām loke praṇamati yastvāṁ na patati śoke |
pārāvāravihāriṇi gaṁge vimukhayuvati kṛtataralāpāṁge || 6||
तव चेन्मातः स्रोतः स्नातः पुनरपि जठरे सोपि न जातः।
नरकनिवारिणि जाह्नवि गंगे कलुषविनाशिनि महिमोत्तुंगे॥ ७॥
tava cenmātaḥ srotaḥ snātaḥ punarapi jaṭhare sopi na jātaḥ |
narakanivāriṇi jāhnavi gaṁge kaluṣavināśini mahimottuṁge || 7||
पुनरसदंगे पुण्यतरंगे जय जय जाह्नवि करुणापांगे।
इन्द्रमुकुटमणिराजितचरणे सुखदे शुभदे भृत्यशरण्ये॥ ८॥
punarasadaṁge puṇyataraṁge jaya jaya jāhnavi karuṇāpāṁge | indramukuṭamaṇirājitacaraṇe sukhade śubhade bhṛtyaśaraṇye || 8||
रोगं शोकं तापं पापं हर मे भगवति कुमति कलापम्।
त्रिभुवनसारे वसुधाहारे त्वमसि गतिर्मम खलु संसारे॥ ९॥
rogaṁ śokaṁ tāpaṁ pāpaṁ hara me bhagavati kumati kalāpam |
tribhuvanasāre vasudhāhāre tvamasi gatirmama khalu saṁsāre || 9||
अलकानंदे परमानंदे कुरु करुणामयि कातरवन्द्ये।
तव तट निकटे यस्य निवासः खलु वैकुण्ठे तस्य निवासः॥ १०॥
alakānaṁde paramānaṁde kuru karuṇāmayi kātaravandye |
tava taṭa nikaṭe yasya nivāsaḥ khalu vaikuṇṭhe tasya nivāsaḥ || 10||
वरमिह मीरे कमठो मीनः किं वा तीरे शरटः क्शीणः।
अथवा श्वपचो मलिनो दीनः तव न हि दूरे नृपतिकुलीनः॥ ११॥
varamiha mīre kamaṭho mīnaḥ kiṁ vā tīre śaraṭaḥ kśīṇaḥ |
athavā śvapaco malino dīnaḥ tava na hi dūre nṛpatikulīnaḥ || 11||
भो भुवनेश्वरि पुण्ये धन्ये देवि द्रवमयि मुनिवरकन्ये।
गंगास्तवमिमममलं नित्यं पठति नरो यः स जयति सत्यम्॥ १२॥
bho bhuvaneśvari puṇye dhanye devi dravamayi munivarakanye | gaṁgāstavamimamamalaṁ nityaṁ paṭhati naro yaḥ sa jayati satyam || 12||
येषां हृदये गंगा भक्तिः तेषां भवति सदा सुखमुक्तिः।
मधुराकन्ता पञ्झटिकाभिः परमानन्दकलित ललिताभिः॥ १३॥
yeṣāṁ hṛdaye gaṁgā bhaktiḥ teṣāṁ bhavati sadā sukhamuktiḥ |
madhurākantā pañjhaṭikābhiḥ paramānandakalita lalitābhiḥ || 13||
गंगास्तोत्रमिदं भवसारं वांछितफलदम् विमलं सारम्।
शंकरसेवक शंकर रचितं पठति सुखीः तव इति च समाप्तम्॥ १४॥
gaṁgāstotramidaṁ bhavasāraṁ vāṁchitaphaladam vimalaṁ sāram |
śaṁkarasevaka śaṁkara racitaṁ paṭhati sukhīḥ tava iti ca samāptam || 14||
॥ इति श्रीमच्छंकराचार्यविरचितं गंगास्तोत्रं सम्पूर्णम्॥
|| iti śrīmacchaṁkarācāryaviracitaṁ gaṁgāstotraṁ sampūrṇam ||